Manchester United tók á móti Fulham í 37. umferð ensku úrvalsdeildinni í dag. Leiknum lauk með 1-1 jafntefli liðanna en þess má geta að loksins máttu stuðningsmenn mæta á völlinn.
Manchester United hafði tapað síðustu tveimur deildarleikjum en leikmenn liðsins mættu nokkuð ferskir í þennan leik. Í fyrri hálfleik voru þeir hættulegir framávið og uppskáru mark þegar stundarfjórðungur var liðinn af leiknum en þá var Edison Cavani á ferðinni og skoraði með stórkostlegri vippu.
Manchester United stjórnaði leiknum í fyrri hálfleik en Fulham átti sína spretti. Seinni hálfleikur hélt áfram í svipuðum dúr og sóttu heimamenn stíft. Það voru þó gestirnir sem skoruðu næsta mark og jöfnuðu leikinn á 77. mínútu. Mark Fulham skoraði Bryan með skalla. Eftir markið ógnuðu leikmenn Fulham aðeins meira fram á við en þar við sat og jafntefli liðanna því staðreynd.
Manchester United náði því ekki að tryggja 2. sætið í deildinni en Leicester geta enn stolið því af þeim. Fulham er fallið og spilar í Championship á næstu leiktíð.
Manchester United 1 – 1 Fulham
1-0 Cavani (´15)
1-1 Bryan (´77)
Á sama tíma tók Southampton á móti Leeds og endaði sá leikur 0-2 fyrir Leeds.
Fyrri hálfleikur var nokkuð jafn og hart barist. Leikmenn Southampton spiluðu fyrri hálfleikinn afar vel og fengu nokkur góð færi til að komast yfir. Leeds sýndi ekki mikinn sóknarleik í fyrri en varðist vel.
Allt annar bragur var á leikmönnum Leeds í seinni og braut Bamford ísinn á 73. mínútu með skoti úr þröngu færi. Roberts innsiglaði svo sigur Leeds með marki í uppbótartíma.
Leeds komst upp í 8. sæti deildarinnar með þessum sigri sem er frábær árangur hjá nýliðunum. Southampton situr í 14. sæti deildarinnar.
Southampton 0 – 1 Leeds
0-1 Bamford (´73)
0-2 Roberts (90+5)
