Meghan Markle, eiginkona Harry Bretaprins, gefur út barnabók á næstu dögum en bókin er byggð á ljóði sem hún orti til eiginmanns síns stuttu eftir fæðingu Archie, yngsta sonar þeirra. Bókin ber nafnið „The Bench“ eða „Bekkurinn“

„Ég vona að The Bench ómi jafn vel hjá öllum fjölskyldum eins og hún gerir hjá mér,“ sagði Meghan um bókina. Bókin fjallar um tengsl sonar og föður í gegnum augu móðurinnar.

Tilkynnt var um útgáfu bókarinnar í gær og vakti það strax mikla athygli innan Bretlands hvað myndskreyting bókarinnar líktist annari bók frá árinu 2018, The Boy on The Bench eftir Corrinne Averiss.

Corrinne hefur sjálf tjáð sig um málið en hún sér ekki líkindi með bókunum. Það eina sem væri líkt er að á báðu bókakápunum má sjá bekk undir tré.

Reading the description and published excerpt of the Duchess’s new book, this is not the same story or the same theme as The Boy on the Bench. I don’t see any similarities.

— Corrinne Averiss (@CorrinneAveriss) May 5, 2021

Það vekur einnig athygli að Meghan skuli skrifa bók um tengsl föður og barna sinna en bæði Meghan og Harry eiga í afskaplega slæmu sambandi þessa dagana við föður sína. Harry sagði á dögunum að Karl Bretaprins, faðir hans, væri fastur í bresku konungsfjölskyldunni og Meghan hefur ekki talað við föður sinn í þrjú ár.