Lyfjarisinn Pfizer reiknar með að selja bóluefni gegn COVID-19 fyrir 26 milljarða á árinu. Fyrri áætlanir höfðu gert ráð fyrir sölu upp á 15 milljarða. Nýja áætlunin er byggð á sölusamningum sem hafa verið gerðir við fjölmörg ríki heims um kaup á bóluefninu. Þetta kemur fram í ársfjórðungsuppgjöri fyrirtækisins sem var birt á þriðjudaginn.

Markmið fyrirtækisins er að afhenda 1,6 milljarða skammta af bóluefninu, sem það þróaði í samvinnu við þýska fyrirtækið BioNTech, á árinu. Fyrirtækin skipta kostnaði og hagnaði af þróun og sölu bóluefnisins til helminga á milli sín.

Pfizer hefur að markmiði að hagnast á bóluefninu en það eru ekki allir bóluefnaframleiðendur sem hafa það að leiðarljósi og má nefna að Johnson & Johnson selur sitt bóluefni á kostnaðarverði svo lengi sem heimsfaraldurinn varir.