Helen McCrory leikkona er látin 52 ára að aldri eftir erfiða baráttu við krabbamein. Eiginmaður hennar til fjórtán ára, leikarinn Damian Lewis, greindi frá þessum sorglegu tíðindum.
Helen lék í Peaky Blinders, Skyfall og Harry Potter svo dæmi séu tekin. Hún lést friðsamlega á heimili sínu.
Damian segir hana hafa verið umvafða ást þegar hún skildi við.
„Það er þyngra en tárum taki að tilkynna að eftir hetjulega baráttu við krabbamein þá er hin fallega og merka kona Helen McCrory látin. Hún lést friðsamlega á heimili sínu, umvafin ást vina og fjölskyldu. Hún lést eins og hún lifði. Óttalaus. Guð hvað við elskum hana og við vitum hversu heppin við vorum að hafa fengið að hafa hana í lífi okkar. Hún skein svo bjart. Far nú, litla, upp í loftið og þakka þér fyrir.“
