Þjálfarinn og eigandi CrossFit Reykjavík, Evert Víglundsson, og eiginkona hans, Þuríður Guðmundsdóttir, eiga von á barni í ágúst. Þetta er fyrsta barn þeirra saman en fyrir á Evert tvö börn. Hjónin gengu í það heilaga í nóvember 2018 og lék DV forvitni á að vita hvernig hjónin eiga saman ef litið er til stjörnumerkjanna.
Evert er Vog og Þuríður er Meyja. Þau ná mjög vel saman vitsmunalega en líkamlega þurfa þau að hafa fyrir því. Þau þurfa að fylgja takti hvort annars og finna sameiginleg áhugamál.
Meyjan og Vogin leggja bæði áherslu á að byggja sambönd á traustum grunni. Þau virða tilfinningar hvort annars og er það algjört lykilatriði þegar kemur að því að ná vel saman þar sem bæði eru með mjög viðkvæmt egó.
Meyjan vill þóknast öðrum og mun auðveldlega taka yfir ábyrgðarhlutverk Vogarinnar en þau þurfa að muna að tala saman og ná sáttum.
6. október 1972
Vog
29. ágúst 1984
Meyja
