Stjórnarmenn Liverpool hafa nóg að gera í dag á lokadegi félagaskiptagluggans, ljóst er að Liverpool er að kaupa Ben Davies frá Preston.
Davis er örfættur varnarmaður sem kemur nokkuð óvænt til Liverpool fyrir um 2 milljónir punda.
Ef marka má erlenda miðla þá eru fleiri varnarmenn á óskalista Jurgen Klopp í dag. Þannig segja enskir miðlar að Duje Caleta-Car, varnarmaður Marseille sé klár í bátana.
Hann ku vera með einkaflugvél klára í Marseille ef franska félagið gefur grænt ljós á félagaskipti til Liverpool, Marseille vill finna arftaka hans áður en þeir leyfa Caleta-Car að fara til Liverpool. Um er að ræða 24 ára varnarmann frá Króatíu.
Liverpool hefur einnig verið orðað við Shkodran Mustafi varnarmann Arsenal. Sky Sports greinir svo frá því að Liverpool sé einnig á eftir Ozan Kabak, miðverði Schlake.
Kabak er frá Tyrklandi en Schalke er tilbúið að selja en með sama fyrirvara og Marseille, að félagið finni arftaka hans.
