Manchester United fordæmir þá fordóma sem leikmenn félagsins máttu þola á samfélagsmiðlum í gær. Félagið skorar á samfélagsmiðla að herða regluverk sitt til að koma í veg fyrir að nafnlausir einstaklingar geti hagað sér með þesusm hætti.
Anthony Martial og Axel Tuanzebe urðu fyrir kynþáttaníði á samfélagsmiðlum í gær. Manchester United mistókst að endurheimta toppsæti deildarinnar og tapaði óvænt fyrir Sheffield United í ensku úrvalsdeildinni í gær. Kean Bryan kom Sheffield United yfir með marki á 23. mínútu eftir stoðsendingu frá John Fleck.
Harry Maguire, jafnaði leikinn fyrir Manchester United með marki á 64. mínútu eftir stoðsendingu frá Alex Telles. Leikmenn Sheffield United neituðu hins vegar að leggja árar í bát. Oliver Burke tryggði liðinu sigur með marki á 74. mínútu eftir stoðsendingu frá John Lundstram.
Eftir leik fengu Martial og Tuanzebe ljót og niðrandi skilaboð um hörundslit sinn, svo ljót voru skilaboðin að Tuanzebe sem byrjaði leikinn í hjarta varnarinnar eyddi Twitter síðu sinni.
Yfirlýsing Manchester United:
Allir hjá Manchester United eru með óbragð í munni yfir þeim kynþáttafordómum sem leikmenn okkar máttu þola í gegnum samfélagsmiðla í gær.
Við fordæmum þetta og það er gott að sjá aðdáendur félagsins gera slíkt hið sama á samfélagsmiðlum.
Manchester United hefur ekkert umburðarlyndi gagnvart hvers kyns fordómum eða mismunun og hefur lengi skuldbundið sig til að berjast gegn slíkt.
Að bera kennsl á þessa nafnlausu fávita er áfram vandasamt. Við hvetjum samfélagsmiðla og stjórnvöld að styrkja aðgerðir til að koma í veg fyrir þessa hegðun.
