Kona leitar ráða til Dear Deidre, kynlífs- og sambandsráðgjafa The Sun.

„Eiginmaður minn sendi mér skilaboð og spurði hvort hann mætti fá toppgrindina lánaða svo hann gæti keypt stórt jólatré. Hann bætti svo við, eins og ekkert væri, að hann vildi skilnað,“ segir konan.

„Hann hélt framhjá mér með vinkonu og fór frá mér. Hann býr núna með henni og hennar börnum. Hún er ólétt og ég er miður mín.“

Konan er 37 ára og eiginmaður hennar er 39 ára.

„Við höfum verið gift í tíu ár og eigum saman fimm ára son,“ segir hún.

„Ég þoli ekki tilhugsunina um hann með nýrri fjölskyldu. Það er eins og hann hafi kastað mér í burtu. Við eigum erfitt með að tala um það sem við kemur ekki syni okkar, og ég vil ekki að konan, sem splundraði fjölskyldu minni, sé með honum.“

Deidre gefur konunni ráð. Hún segir að hegðun mannsins hennar stafi vegna samviskubits hans fyrir að fara frá fjölskyldunni.

„Hann er að reyna að draga úr ábyrgð sinni. Það er erfitt en reyndu að forgangsraða sambandi sonar síns við föður sinn fram yfir reiði þína. Þú þarft að hleypa reiðinni út en ekki blanda syni þínum í það.“