N´Golo Kante einn besti miðjumaður ensku úrvalsdeildarinnar er sagður hafa fengið nóg af Frank Lampard stjóra Chelsea og vill burt. Franskir miðlar fjalla um málið.

Kante er óhress með að hafa ekki fengið frí á einni æfingu til að fara í brúðkaup hjá vini sínum á dögunum.

Kante hefur talsvert verið orðaður við önnur lið en hann hefur átt frábæran feril á Englandi, þar hefur hann orðið meistari með Leicester og Chelsea.

Kante á þrjú ár eftir af samningi sínum við Chelsea en hann er sagður horfa til þess að fara til Real Madrid. Hjá Real Madrid er Zinedine Zidane stjóri en þeir félagar eru samlandar.

Kante er í verkefni með franska landsliðinu en Chelsea mætir Southampton í ensku úrvalsdeildinni á laugardag.