Snæfríður Ingvarsdóttir, ein efnilegasta leikkona landsins, og hinn hæfileikaríki Högni Egilsson, söngvari Hjaltalín, eru byrjuð aftur saman. Þeirra leiðir skildi í byrjun sumars eftir sex ára samband. Þau virðast hafa fundið ástina á ný og lék DV forvitni á að vita hvernig þau eiga saman ef litið er til stjörnumerkjanna.
Högni er Vog og Snæfríður er Steingeit. Vogin og Steingeitin eiga fátt sameiginlegt og gætu ekki verið ólíkari. Vogin er félagslegt fiðrildi og elskar að hitta nýtt fólk. Steingeitin er hins vegar hæglát og hleypir ekki hverjum sem er að sér. Frami og vinna skipta Steingeitina miklu máli á meðan Voginni finnst mikilvægara að finna jafnvægi og fegurð í lífinu.
Ef þau elska og virða hvort annað, þrátt fyrir að vera algjörar andstæður, getur sambandið orðið gjöfult. Vogin er hamingjusömust þegar hún er í traustu sambandi og getur sýnt maka sínum allt það besta sem lífið hefur upp á að bjóða. Ábyrga og röggsama Steingeitin er róleg í erfiðum aðstæðum sem er mikill kostur fyrir ákvörðunarfælnu Vogina.
3. október 1985
Vog
14. janúar 1992
Steingeit
