Í nótt fóru fram kappræður Donald Trump og Joe Biden. Það er óhætt að segja að hiti hafi verið í umræðunum allt frá fyrstu mínútu.
Sjá einnig: „Geturðu haldið kjafti maður?“ – Biden og Trump lenti saman í kappræðum næturinnar
Eiginkonur frambjóðendanna komu upp á svið eftir kappræðurnar til að heilsa eiginmönnum sínum og hefur myndband af forsetafrúnni, Melaniu Trump, heilsa eiginmanni sínum farið eins og eldur í sinu um netheima.
Í myndbandinu má sjá Melania Trump koma upp á svið, Donald Trump horfa rétt svo á hana og svo stóðu þau hlið við hlið. Jill Biden, eiginkona Joe Biden, kom einnig upp á svið og féllust hjónin í faðma.
Doesn’t this just say it all?
— Chris D. Jackson (@ChrisDJackson) September 30, 2020
Eins og fyrr segir hefur myndbandið vakið mikla athygli á samfélagsmiðlum og netverjar lýsa augnablikinu milli Donald og Melaniu sem „vandræðalegu“, „pínlegu“ og „óþægilegu“.
„Tók einhver annar eftir því hversu kuldaleg heilsan var milli Donald Trump og Melaniu Trump, miðað við hlýjuna á milli Jill og Joe Biden. Það er engin ást þarna. Hún stendur þarna bara með gervibros. Svo óþægilegt,“ segir einn netverji.
