Ghina Bou Hemdan, níu ára stúlka frá Sýrlandi, hefur unnið hug og hjörtu heimsbyggðarinnar eftir að hún tók þátt í arabísku útgáfu sjónvarpsþáttarins The Voice Kids og flutti lagið „Give us Childhood, Give us Peace.“

Hemdan átti þó erfitt með að klára lagið þar sem hún barst í grát eftir að einn dómari snéri stól sínum við. Dómarinn, söngkonan Nancy Ajram, hljóp þá upp á sviðið og hélt utan um Hemdan á meðan hún kláraði lagið.

Hinir tveir dómarnir snéru svo stólum sínum einnig við til að sjá stúlkuna og hjálpa henni að klára lagið. Áhorfendur og dómarar voru yfir sig hrifnir af flutningi stúlkunnar og stóðu upp og klöppuðu ákaft fyrir henni.

Þátturinn var sýndur á sjónvarpsstöðinni MBC í síðustu viku. Lagið tileinkaði Hemdan þeim börnum sem enn búa við stríðsástandið í heimalandi hennar. „Give us Childhood, Give us Peace“ var upphaflega flutt af Remi Bandali á meðan borgarastríðið í Líbanon stóð yfir, á árunum 1975 til 1990.

Hér má sjá myndband af flutningi Hemdan.