Þetta segir í aðvörun sem fjöldi vísindamanna hefur sent til þjóðarleiðtoga. The Guardian skýrir frá.
„Það er ýmislegt, til dæmis ólögleg skógarhögg, eyðing skóga, námuvinnsla og viðskipti með kjöt af villtum dýrum og framandi gæludýr sem skapaði þennan vanda,“
sagði Stuart Pimm, prófessor við Duke University.
Í næsta mánuði á að halda ráðstefnu á vegum SÞ í New York um líffræðilegan fjölbreytileika. Þar ætla líffræðingar og umhverfisverndarsinnar að leggja fram sannanir fyrir tengslum umhverfisspjalla og banvænna sjúkdóma á borð við COVID-19. Tæplega þriðjungur allra nýrra sjúkdóma hefur orðið til af þessum sökum segja þeir. Þetta mun að sögn fljótlega leiða til að fimm til sex nýir faraldrar herja á heimsbyggðina ár hvert.
„COVID-19 hefur nú þegar kostað billjarða á heimsvísu og orðið næstum einni milljón manna að bana. Það er því greinilegt að það þarf strax að grípa til aðgerða,“
sagði Stuart Pimm.
Talið er að árlega sé gríðarlega mikið skóglendi rutt til að hægt sé að rækta pálmatré, stunda olíuvinnslu eða til að komast að námum.
„Þegar skógarhöggsmenn koma í regnskóga til að fella tré taka þeir ekki mat með sér. Þeir borða bara það sem er nálægt og eru því í smithættu allan tímann,“
Sagði Andy Dobson, prófessor við Princeton University.
