Nokkrar íslenskar konur eru að gera það gott á OnlyFans, síðu sem gerir notendum kleift að selja efni sitt til áskrifenda gegn mánaðarlegu gjaldi. Nektarmyndir eru vinsælastar en einnig er mikið um áhrifavalda og aðra einstaklinga sem selja djarfar myndir og myndbönd án þess að sýna nekt. Aðdáendur geta einnig sent notendum skilaboð og lagt fram beiðni um myndefni gegn gjaldi. Það er hægt að græða á tá og fingri á miðlinum eins og ein íslensk konar segir frá í viðtali í nýjasta tölublaði DV.

„Ég byrjaði ekki að þéna meira en 800 þúsund krónur á mánuði fyrr en ég setti allan fókus á að gera vel,“ segir konan sem kýs að koma fram nafnlaus.

Það er ekki vitað um marga Íslendinga á miðlinum en það virðist sem svo að ungar, íslenskar konur séu að ryðja sér til rúms hægt og rólega. Nítján ára íslensk kona greinir frá því á samfélagsmiðlinum TikTok að hún hafi grætt rúmlega 720 þúsund krónur á þremur vikum á OnlyFans. „Er hægt að græða á OnlyFans án þess að sýna nekt? „Já!“ segir konan í myndbandinu og sýnir tölfræði yfir tekjur sínar á miðlinum. Á fyrstu vikunni græddi hún rúmlega 430 þúsund krónur.

„Hér fáið þið að sjá efni sem ég deili ekki á Instagram. Ég deili nærfata/bikinímyndum, æfingamyndböndum og hversdagslegum myndum,“ kemur fram á síðu hennar. Hún segist ekki selja nektarmyndir af sér, sama hversu hátt boð hún fær.

Þú getur lesið greinina í heild sinni í nýjasta tölublaði DV.