Í Hong Kong er nú talað um að hugsanlega sé þriðja bylgja kórónuveirunnar, sem veldur COVID-19, skollin á. Verið er að undirbúa að loka samfélaginu að hluta en staðfestum smitum hefur fjölgað mikið að undanförnu að sögn Gabriel Leung, hjá læknadeild Hong Kong háskóla.

RTHK skýrir frá þessu.

„Þetta er upphafið á miklum staðbundnum faraldri, stærri en við höfum áður séð.“

Sagði Leung.

Samkvæmt frétt South China Morning Post þá greinast nú um 60 ný smit á dag en í margar vikur höfðu engin ný smit greinst.

Leung telur að nú sé staðan í borginni sú að hver smitaður smiti fjóra. Til að tryggja að smitum fjölgi ekki þarf þessi tala að vera einn eða lægri.