Að undanförnu hafa um 350 fílar drepist í norðurhluta Botswana. Um er að ræða fíla af báðum kynjum og á öllum aldri. Ekki er vitað hvað varð þeim að bana en 70% dýranna hafa drepist nærri einu vatnsbóli.

The Guardian skýrir frá þessu. Vísindamenn segja að um miklar hörmungar sé að ræða þar sem fílastofninn megi ekki við áföllum sem þessu. Fjöldadauði sem þessi hefur ekki sést lengi hefur The Guardian eftir Niall McCann hjá National Park Rescue. Hann sagði að yfirvöld hafi ekki enn tekið nægilega góð sýni úr fílunum til að hægt sé að kveða upp úr um dánarorsök þeirra. Nægilegt framboð sé af mat og vatni núna og því sé þetta mjög undarlegt.

McCann sagðist helst hallast að því að um eitrun, annað hvort náttúrulega eða af mannavöldum, sé að ræða.