Að minnsta kosti ef marka má nýja bók um forsetafrúna. Bókin heitir „The Art of Her Deal“ og er eftir Mary Jordan blaðamann hjá Washington Post. Hún heldur því fram í bókinni að Melania hafi orðið eftir í Trump Tower á Manhattan því hún hafi viljað semja á nýjan leik við Trump um kaupmála þeirra en opinberlega var látið líta út fyrir að hún væri umhyggjusöm móðir sem væri að annast son sinn.
En í bókinni segir að í raun hafi hún verið að reyna að tryggja Brandon og sér sjálfri betri framtíð.
Það vakti athygli, hneykslun og umræðu þegar Melania flutti ekki í Hvíta húsið eins og venja er. Þetta þýddi aukin útgjöld hins opinbera vegna öryggisgæslu við heimili hennar í New York og að hún gat ekki strax komið sér inn í hlutverk forsetafrúar. Ivanka Trump, elsta dóttir Trump, tók því það hlutverk að sér í upphafi.
Jordan segir í bókinni, sem hún byggir á mörg hundruð viðtölum, að Melania hafi í raun verið að þrýsta á Trump um að breyta kaupmála þeirra til að tryggja fjárhagslega framtíð sína betur. Hún vildi einnig tryggja stöðu Brandon innan fjölskyldunnar og að hann skyldi fá sanngjarnan hlut af arfinum eftir Trump og stöðu innan fyrirtækjasamsteypu hans til jafns við önnur börn forsetans.
„Hún vildi fá skriflega staðfestingu hvað varðar fjármál og arf og að Baron verði meðhöndlaður eins og önnur börn Trump.“
Segir í bókinni. Auk þess kemur fram að Melania, sem er feimin, sé mun pólitískari og virkari í að skapa sína eigin ímynd en ætla megi miðað við framkomu hennar.
