Hörður Árnason, vinstri bakvörður HK hefur ákveðið að taka slaginn með félaginu í sumar í Pepsi Max-deild karla.

Hörður lagði skóna á hilluna síðasta haust en þessi 31 árs gamli vinstri bakvörður ætlaði að snúa sér að öðru.

HK náði hins vegar að sannfæra hann um að taka slaginn með liðinu í ár en HK hefur gengið brösulega að styrkja hóp sinn í vetur.

Tilkynning HK:
Hörður Árnason leikur með HK í sumar!

HK-ingurinn reynslumikli semur við HK út leiktíðina 2020. Hörður hefur meðal annars leikið 169 leiki í efstu deild, 10 evrópuleiki og 1 landsleik.

Hörður var í lykilhlutverki í sterkri vörn HK á síðustu leiktíð. Við bjóðum Hörð velkominn til leiks