Eftir að þingflokkur Vinstri hreyfingarinnar græns framboðs ákvað að fara í samstarf við Sjálfstæðisflokkinn í næstu stjórnarmyndunarviðræðum, er ljóst að mikillar óánægju gætir frá baklandi flokksins um slíkt samstarf. Þannig talar til dæmis Sóley Tómasdóttir, fyrrum ritari VG og forseti borgarstjórnar og femínisti með meiru. Hún sagði eftirfarandi á Twitter í dag:

 

 

„Góðu fréttirnar eru að @andresingi og @rosabjorkb standa í lappirnar. Annars er fullt tilefni til að gráta yfir þessari frétt.“

Þingmennirnir Andrés Ingi Jónsson og Rósa Björk Brynjólfsdóttir studdu ekki samtarfið við Sjálfstæðisflokkinn.
Áður sagði Sóley einnig:

„Ég kaus femínískasta flokkinn sem í boði var eftir #höfumhátt og femínískar byltingar undanfarinna ára. Ég bara trúi því ekki að sá flokkur ætli svo að mynda ríkisstjórn með stjórnmálafólkinu sem kom verst af öllum fram við þolendur.“

Þá sagði hún einnig á Twitter skömmu síðar:

„Ásmundur Friðriksson, Bjarni Benediktsson, Brynjar Níelsson, Jón Gunnarsson, Páll Magnússon
og sjö karlar til viðbótar skipa þingflokk Sjálfstæðismanna ásamt fjórum konum. Frekar vil ég
stjórnarkreppu en ríkisstjórn með þeim. #höfumhátt“

Sóley er mikils metin hjá stórum hluta VG og ljóst að hún talar fyrir munn margra. Bakland Vinstri grænna
er því enn nokkuð klofið í afstöðu sinni gagnvart samstarfi með Sjálfstæðisflokknum þó svo forysta flokksins hafi samþykkt það í dag.