Adriano Galliani, stjórnarformaður Monza, hefur gefist upp í baráttunni um að fá Zlatan Ibrahimovic.
Zlatan er þessa stundina á mála hjá AC Milan en Monza hafði áhuga á að semja við leikmanninn í byrjun árs.
Samningur hans á að renna út í sumar en Galliani telur að Monza eigi ekki möguleika vegna kórónaveirunnar.
,,Við þurfum að jarða drauminn um Ibra. Það er á meðal annars kórónaveirunni að kenna,“ sagði Galliani.
,,Vegna faraldursins og óvissunnar í heiminum varðandi hvenær byrjað verður að spila og byrja mótið á ný þá fjarar þetta verkefni út.“
