Sadio Mane, leikmaður Liverpool, varaði liðsfélaga sína við Ismaila Sarr á síðasta ári.

Sarr er leikmaður Watford en hann var stórkostlegur í gær og skoraði tvö mörk í 3-0 sigri á Liverpool.

Mane varaði félaga sína við Sarr á síðasta ári en þeir virðast ekki hafa hlustað fyrir gærkvöldið.

,,Hann er eldfljótur og ég held að varnarmenn verði í erfiðleikum með hann,“ sagði Mane.

,,Síðast þegar ég ræddi við Andy Robertson þá sagði ég honum að Watford væri með mjög góðan leikmann.“

,,Ég sagðist ætla að hjálpa honum meira því að annars myndi Ismaila Sarr drepa hann, hann er góður á boltanum og er mjög, mjög fljótur.“