James Maddison, miðjumaður Leicester er sagður hafa tekið ákvörðun er varðar framtíð sína. Þessi öflugi miðjumaður vill ganga í raðir Manchester United.
United hefur viljað fá Maddison síðustu mánuði en Leicester hefur verið að ræða nýjan samning við hann.
Enski miðjumaðurinn ólst upp sem stuðningsmaður Manchester United og segir Manchester Evening News að hann vilji fara þangað.
Staðarblaðið í Manchester segir að Maddison skoði málið þessa dagana, Leicester býður honum væna launahækkun en skrefið á Old Trafford heillar.
United er að skoða sína kosti varðandi sumarið og horfir félagið til Maddison eða Jack Grealish hjá Aston Villa.
