Sítrónur eru bragðgóðar og hollar en þær eru líka gagnlegar til að halda skordýrum frá heimilum. Það er einnig hægt að nota þær til að losna við slæma lykt og þær koma að góðu gagni við þrif þegar takast þarf á við eitthvað sem er mjög fast.

Hvað varðar skordýrin þá er hægt að halda þeim fjarri húsum og híbýlum fólks ef marka má húsráð eitt. Samkvæmt því þá á að skræla sítrónu. Pakka berkinum inni í eldhúspappír eða poka úr satíni og koma fyrir nærri gluggum eða dyrum, þar sem skordýrin koma oftast inn. Ef þú verður var/vör við að skordýr birtist á öðrum stöðum er síðan ekkert annað að gera en búa til fleiri svona pakka og koma þeim fyrir á viðeigandi stöðum.

Hér fyrir neðan er hægt að sjá kennslumyndband um þetta góða húsráð sem og önnur húsráð þar sem sítrónur koma við sögu.