Boubakary Soumare, leikmaður Lille, mun yfirgefa félagið í sumar en hann hefur staðfest það sjálfur.
Soumare er á óskalista Arsenal, Chelsea, Manchester United og Real Madrid en hann er aðeins tvítugur að aldri.
Það eru þó engar líkur á að þessi félög geti fengið leikmanninn í janúarglugganum.
,,Já auðvitað mun ég fara. Ég hef nú þegar rætt þetta við stjórann,“ sagði Soumare við L’Equipe.
,,Ég sagði honum mjög skýrt hvert ég vildi taka ferilinn. Ég vil klára heilt tímabil hér, mér líður vel og ég fæ hjálp.“
,,Ég veit hvar ég er í dag og það hentar. Það er ekki rétti tíminn núna til að fara – ég vil ekki sjá eftir neinu.„