Hjónin Viðar Eggertsson leikari og Sveinn Kjartansson, matreiðslumaður og eigandi AALTO Bistro í Norræna húsinu gripu í tómt þegar þeir komu heim frá Amsterdam, en einhver óprúttinn aðili hafði gerst menningarlegur á sjálfri borgarhátíð Reykvíkinga og stolið listaverki af húsi þeirra á Laufásvegi.

Listaverkið sem um ræðir er vegggríma sem prýtt hefur stöpulinn við garðshlið Skurn herraseturs Viðars og Sveins að Laufásvegi 39 og var hún að sögn Viðars keypt í skranverslun fyrir 25 árum, fékk síðan sérstaka meðhöndlun og taldist síðan listaverk í augum eigenda sinna. Og ekki bara í þeirra augum heldur eigin fjölmargra vegfarenda um Laufásveginn, sem iðulega stoppuðu og mynduðu grímuna.

Gríman Á húsveggnum á Laufásvegi.

Vegggrímunnar er sárt saknað af eigendum sínum og þeir sem vita hvar hún er niðurkomin eru beðnir að hringja í síma 898-8661.

Horfin Grímunni var stolið á Menningarnótt.