Ron Galperin, stjórnandi í Los Angeles, greindi frá þessu á vefsíðu sinni en þar kemur einnig fram að 90% lögreglu- og slökkviliðsmanna í borginni hafi fengið greidda yfirvinnu. Fengu þeir þá greidda tæpa 28 þúsund bandaríkjadali að meðaltali en það jafngildir rúmlega 3 milljónum í íslenskum krónum.
Það vakti athygli hjá fjölmiðlum vestanhafs að nokkrir fengu greitt mun meira fyrir yfirvinnuna sína. Má þar nefna umferðarlögregluþjón sem fékk rúmlega 174 þúsund dollara eða um 22 milljónir í íslenskum krónum. Háttsettur eftirlitsmaður fékk um 152 þúsund dollara fyrir yfirvinnuna sína eða um 19 milljónir í íslenskum krónum. 18 slökkviliðsmenn í Los Angeles fengu yfir 200 þúsund dollara greidda í yfirvinnu, það eru um 25 milljónir í íslenskum krónum. Þessa miklu yfirvinna hefur meðal annars verið rakin til skógareldanna í Los Angeles en þeir hafa verið áberandi margir á undanförnum árum
