Eiður Smári Guðjohnsen fer yfir víðan völl í FantasyGandalf, hlaðvarpsþættinum. Þar ræðir hann ýmis mál og meðal annars fjármál sín.

Augljóst var að Eiður vildi ekkert ræða málið sérstaklega og eðlilega. Hugi Halldórsson, góður vinur Eiðs Smára spurði hann um málið. ,,Horfðir þú ekkert á Sveppa þættina?,“ sagði Eiður um málið og vitnaði þar í þættina sem hann gerði með Sveppa, hann hefur aldrei viljað tala um fjármál sín, eðlilegt að flestra mati.

Eiður er meðvitaður um málið, sem einn frægasti einstaklingur í sögu Íslands, að hans mál verða rædd á kaffistofum landsins. ,,Ef maður er fastur í því að hlusta á allar sögusagnir þá væri lífið frekar erfitt. Ég hef aldrei borið sérstaklega virðingu fyrir pening og ekki nægilega, oft á tíðum eytt of miklu,“ sagði Eiður.

Mest var talað um fjármál Eiðs á hrunárunum. ,,Að fara að tala um hvað gerðist í hruninu, maður spyr ekki mann út á götu, hvernig hann hefur það eftir hrunið? Það þurfti alltaf að tala um hrunið, í hvaða boði sem er,“ sagði Eiður.

Hann kveðst hafa það gott í dag. ,,Ég hef það fínt, ég er nokkuð léttur.“

,,Það er skrifað um fólk sem er opinbert og sögur fara af stað. Mikið spáð í launum hjá hverjum og einum, að ég fari að tjá mig um þetta. Fjármál eru einkamál fyrir hvern og einn.“