Daily Mail skýrir frá þessu. Hefur blaðið eftir fyrirsætunni, sem heitir Oksana Voevodina og er 27 ára, að fyrrum eiginmaður hennar, Sultan Muhammad V, sé faðir litla drengsins hennar. En því er konungurinn fyrrverandi ekki sammála.
Þau gengu í hjónaband á síðasta ári. Í ársbyrjun á þessu ári afsalaði Sultan Muhammad V sér konungdómi eftir að aðeins tvö ár en hann átti að sitja sem konungur þar til 2021. Hann var fyrsti konungurinn til að afsala sér völdum í Malasíu eftir að landið hlaut sjálfstæði 1975. Ekki hefur verið skýrt frá ástæðu afsagnarinnar.
Síðasta sumar var skýrt frá því að konungurinn fyrrverandi og Oksana væru skilin. Í samtali við Daily Mail sagði hún að hún hafi verið gengin fjóra mánuði með drenginn þegar þau skildu. Faðir hans sé konungurinn fyrrverandi. Auk þess sagði hún að drengurinn sé eins og nákvæm eftirlíking af föður sínum.
Hún sagði að þau hafi ákveðið að eignast barn og hafi konungurinn verið ánægður þegar hún varð barnshafandi. Skyndilega hafi hann þó ákveðið að draga sig frá öllu og „hverfa“ frá henni. Hún sagði einnig að ákveðin ástæða hafi verið fyrir að þau skildu en hún sé ekki enn reiðubúin til að tala um