Lokadansinn í Dirty Dancing þegar Johnny lyftir Baby upp yfir hausinn á sér er eitt af þekktustu atriðum kvikmyndasögunnar.
Parið Andy, 51 árs, og Sharon, 52 ára, vildu endurgera lyftuna en það heppnaðist ekki eins og þau voru að vonast eftir. Í stað þess að Sharon endaði tignarlega í loftinu fyrir ofan hausinn á Andy þá rotuðust þau og þurfti að fara með þau á slysadeild.
Myndir sem sýna parið reyna danslyftuna frægu hafa gengið eins og eldur í sinu um netheima.
Parið hefur horft á myndina frægu oftar en 30 sinnum saman og vildu endurgera atriðið á brúðkaupsdaginn.
„Það er sanngjarnt að segja að þetta gekk ekki eins og við plönuðum. Ég hljóp til Andy og hann reyndi að lyfta mér en við hrundum bara,“
sagði Sharon við Metro.
„Fyrst hélt fjölskyldan að við værum bara að djóka en áttuðu sig síðan á að við meiddum okkur í alvörunni. Sjúkraflutningamennirnir voru frekar áhyggjufullir um Andy og fóru með hann í flýti á Southmead sjúkrahúsið.“
Hún bætti því við að þau eru bæði mjög illa marin en í lagi. „Ég held við ætlum að taka því bara rólega fyrir fyrsta dansinn okkar.“
