Móðir hennar var með lungnabólgu, vó aðeins 40 til 45 kíló og borðaði eins og fugl. En hún vildi mjög gjarnan drekka ákveðna gosdrykkjartegund, rauðan gosdrykk.
Fyrir um tveimur vikum var hringt í Ann frá dvalarheimilinu og hún spurð hvort hún gæti keypt nokkrar flöskur af þessum gosdrykk fyrir móður sína.
„Ég sagði: „En hún fær þetta úr eldhúsinu eins og alltaf?“ En nei, konan á hinum endanum sagði mér að það væri hámark á þessu og hún mætti bara fá einn drykk á dag.“
Sagði Ann í samtali við B.T. þessar hömlur voru að sögn settar á því gosdrykkjarneyslan hafi verið komin úr böndunum.
„Ég spurði hana: „Ætlar þú virkilega að segja mér að lungnaveik móðir mín, sem borðar næstum ekkert, megi aðeins fá einn gosdrykk á dag?“ Já, svoleiðis var þetta og síðan varð konan fúl og sagði að ég yrði að kvarta við stjórendur.“
Vonsildhave er í eigu sænska fyrirtækisins Attendo sem rekur fjölda elliheimila í Danmörku. Ditte Korsager, forstjóri Attendo, sagði í samtali við JydskeVestkysten að málið snerist um að elliheimilið fylgdi bara þjónustukröfum Koldingbæjar þar sem kveðið sé á um að boðið sé upp á einn drykk úr flösku á dag.
Søren Rasmussen, sem situr í félagsmálaráði Koldingbæjar, segir þetta sé ekki allskostar rétt því þetta viðmið eigi við um áfenga drykki. Hann ætlar nú að taka málið upp í ráðinu og láta koma skýrt fram í kröfum bæjarfélagsins að þetta eigi aðeins við um áfenga drykki en ekki gosdrykki.