Það eru ekki margir sem þekkja sögu leikmannsins Wesley sem spilar með Aston Villa.
Wesley var keyptur til Villa í sumar en hann hefur átt ansi litríkt líf hingað til. Brassinn lék með Club Brugge á síðustu leiktíð.
Hann eignaðist sitt fyrsta barn þegar hann var aðeins 14 ára gamall sem er alltof ungur aldur.
,,Þegar ég klára æfingu þá hringi ég alltaf í mömmu því hún er allt fyrir mér. Hún gerði allt til að hjálpa mér svo ég hringi í hana á hverjum degi,“ sagði Wesley.
,,Ég eignaðist mitt fyrsta barn þegar ég var 14 ára gmaall. Það var erfitt því á þessum tíma þá var ég að reyna að gerast atvinnumaður.“
,,Ég þurfti að vinna á daginn og svo æfa um kvöldið. Þegar ég spila þá verð ég að hugsa um fjölskylduna, krakkana, mömmu og alla.“
