Mauricio Pochettino, stjóri Tottenham, myndi hafna liði Manchester United að mati Harry Redknapp, fyrrum stjóra liðsins.
Redknapp telur að Pochettino gæti þurft á nýrri áskorun að halda en að hann myndi aðeins kveðja Tottenham fyrir Real Madrid.
,,Eftir fimm eða sex ár þá þarf Pochettino kannski nýja áskorun. Hann er frábær stjóri en kannski er kominn tími til að breyta til,“ sagði Redknapp.
,,Ég er ekki viss hvort hann fari nema að Real Madrid starfið verði laust. Ég held að það yrði frábært starf fyrir hann.“
,,Ég held þó að hann sé ánægður með starfið hjá Tottenham.“