Manchester United tók ákvörðun í sumar um að fá ekki Neymar til sín frá Paris Saint-Germain.

Frá þessu greina enskir miðlar en Neymar reyndi allt til að komast burt frá frönsku höfuðborginni.

Neymar var sjálfur opinn fyrir því að fara til Englands og íhugaði United að leggja fram tilboð.

Lífstíll leikmannsins kom hins vegar í veg fyrir kaupin en Neymar elskar fátt meira en að skella sér út á lífið.

Einnig hafði United áhyggjur af föður leikmannsins sem hugsar mikið um peninga og reynir að græða eins mikið og mögulegt er.

Neymar er aðalmaðurinn hjá PSG ásamt Kylian Mbappe og fær mikið frelsi til að gera það sem hann vill gera.