Ágúst Gylfason var í dag ráðinn þjálfari Gróttu til næstu þriggja ára. Liðið mun næsta sumar leika í fyrsta sinn í efstu deild.
Águst var rekinn frá Breiðabliki í haust og Óskar Hrafn Þorvaldsson, sem sagði upp hjá Gróttu tók við starfi hans. Þeir skiptast því á störfum.
,,Þetta tók skamman tíma, það var fundur fyrir nokkrum dögum,“ sagði Ágúst Gylfason við okkur eftir að hafa skrifað undir a Vivaldi-vellinum í dag.
Grótta er með ungt lið og því verður haldið áfram að vinna með þá hugmyndafræði
,,Þetta er krefjandi en mjög skemmtilegt verkefni. Þetta eru ungir og sprækir strákar sem leggja sig 100 prósent fram í verkefnið. Það ætlum við í þjálfarteyminu að gera líka,“ sagði Águst en Guðmundur Steinarsson verður aðstoðarmaður Gústa líkt og síðustu ár.
Viðtalið er í heild hér að neðan.
