Hljómsveitin Dimma á sér fjölmarga aðdáendur á öllum aldri og einn af þeim er hinn sjö ára gamli Ísak Leví Daníelsson. Hann hefur farið á tónleika með sveitinni og nýlega varði hann kvöldi við að hlusta á nýjustu plötu sveitarinnar og skrifa upp lagatexta.
„Hann er forfallinn Dimmu-aðdáandi frá fimm ára aldri og við feðgar deilum lotningunni fyrir Dimmu og mamma hans er líka laumuaðdáandi eins og flestir,“ segir faðir Ísaks Levís, Daníel Kjartan Ármannsson.
Fjölskyldan hefur farið á fjölskyldutónleika Dimmu, til dæmis á Húrra, og í fyrra fór hún á Dimmu og Sinfóníuhljómsveit Norðurlands í Eldborgarsal Hörpu.
