Gylfi Þór Sigurðsson viðurkennir að íslenska landsliðið hafi hagað sér klaufalega í 1-0 tapi gegn Frökkum í kvöld.
Eina mark leiksins skoraði Olivier Giroud fyrir Frakka úr vítaspyrnu sem var dæmd í seinni hálfleik.
,,Mér fannst við verjast mjög vel í fyrri hálfleik, við vorum lítið með boltann en þeir sköpuðu sér ekki mikið,“ sagði Gylfi.
,,Dómarinn sýndi þeim mikla virðingu. Ég veit ekki hvort ég hafi rétt fyrir mér en mér fannst mikið af soft brotum detta þeim megin og svo aftur á móti vorum við ekki að fá það sama frá honum.“
,,Það er klaufalegt að fá á okkur þetta víti, að pikka ekki upp seinni boltann og það er okkur að kenna.“
