Ross Barkley er langt frá því að vera vinsæll hjá stuðningsmönnum Chelsea þessa stundina. Chelsea fékk vítaspyrnu undir lok leiksins gegn Valencia en liðin áttust við í Meistaradeild Evrópu í gær.

Valencia komst í 1-0 með marki frá Rodrigo og ekki löngu seinna fékk Chelsea vítaspyrnu. Flestir bjuggust við að Jorginho myndi taka vítið enda er hann gríðarlega öruggur á punktinum.

Willian var á sama máli og Barkley og ætlaði einnig að taka spyrnuna. Barkley sagði þó nei og ákvað að taka spyrnuna. Barkley heimtaði hins vegar að fá að taka spyrnuna þrátt fyrir að hafa ekki skorað í 17 leikjum.

Barkley steig á punktinn og skaut í slá og eru margir stuðningsmenn öskuillir eftir þessa frekju enska landsliðsmannsins. Eiður Smári Guðjohnsen tjáði sig um málið á BT Sport.

,,Það hefur klárlega eitthvað verið sagt í klefanum og menn hafa látið í sér heyra,“ sagði Eiður.

,,Hvort sem það er Lampard, starfsliðið eða leikmenn sjálfir. Svona hlutir gerast, það hafa allir stórt egó. Við viljum allir fyrirsögnina, þegar þú ert með sjálfstraust þá viltu fá fyrirsögnina. Gera þetta að þínu, þetta er samt óvirðing við félagana.“

,,Þú sem stjóri, viltu ekki að fyrirliðinn þinn stígi upp og láti menn vita að það var búið að ákveða þetta fyrir leik. Stígðu inn sem fyrirliði og nýttu vald þitt.“