

Roy Keane, fyrrum leikmaður Manchester United, mun aldrei fyrirgefa fyrrum stjóra sínum hjá félaginu, Sir Alex Ferguson.
Keane greindi frá þessu í gær en Írinn var frábær undir Ferguson í þónokkur tímabil á Old Trafford.
Keane yfirgaf United þó árið 2005 en samband hans og Ferguson versnaði verulega undir lokin og var sá fyrrnefndi gagnrýndur í ævisögu Skotans.
,,Ég myndi ekki fyrirgefa Ferguson. Hvernig hann lét þetta líta út í fjölmiðlum, hvernig ég gerði alla reiða, þetta var allt kjaftæði,“ sagði Keane.
,,Mér er alveg sama hvort þetta sé Alex Ferguson eða páfinn, þú munt verja sjálfan þig.“
,,Fólk talar um hvernig Ferguson var maður á mann. Kjaftæði. Fólk segir að hann hafi alltaf hugsað um Manchester United fyrst. Darren Ferguson [sonur hans] fékk medalíu. Hann var mjög heppinn.“