Mathieu Flamini, fyrrum leikmaður Arsenal, vakti athygli í vikunni þegar hann hitti Charles III í Buckingham-höll.

Flamini, sem er 42 ára, hefur byggt upp gríðarlegan auð eftir að hann lagði skóna á hilluna árið 2019. Hann var á sínum tíma einnig á mála hjá félögum á borð við AC Milan og Marseille, en hefur síðan snúið sér að viðskiptum.

Hann er einn stofnenda fyrirtækisins GFBiochemicals sem sérhæfir sig í þróun vistvænna valkosta við olíutengdar vörur.

Fyrirtækið hefur vaxið hratt undanfarin ár og Flamini gegnir þar hlutverki framkvæmdastjóra.

Samkvæmt fréttum er eign hans metin á um 10 milljarða punda og hefur hann orðið leiðandi rödd í umhverfis- og loftslagsmálum.

Flamini birti myndir frá fundi með konunginum þar sem hann ræddi við aðra leiðtoga í atvinnulífinu og sást meðal annars taka í hönd Charles.

Ferill hans eftir knattspyrnuna hefur því verið afar farsæll.