Valur ákvað að losa sig við sóknarmanninn Gary Martin í byrjun sumars og það kom á óvart.

Gary skrifaði aðeins undir samning við Val fyrir tímabilið en var fljótt leystur undan samningi.

Það hefur aldrei verið staðfest það gekk á hjá félaginu en Ólafur Jóhannesson, þjálfari Vals, sagði að Gary hentaði liðinu ekki.

Það kom svo að endurkomunni í kvöld en Gary mætti Val með nýja liði sínu ÍBV.

ÍBV var fallið fyrir leikinn í dag en eftir að hafa lent undir 1-0 þá kom liðið til baka og vann 2-1 sigur með mörkum frá Gary.

Stuðningsmenn Vals létu í sér heyra á Facebook síðu liðsins eftir leikinn og gagnrýndu þá ákvörðun að láta hann fara.

Hér má sjá nokkur af þeim ummælum.

Hjalti Sigurðarson: ,,Hefðum átt að lána manninn.“

Svanur Þórhallsson: ,,Gary leggst glaður á koddann í kvöld.“

Stefán Kristvinsson: ,,Jahérna… Á aðeins ári hefur þetta frábæra lið hrapað niður í meðalmennskuna, of miklar breytingar og leikmannakaupin mistókust hrapalega.“

Björn Amby Lárusson: ,,Orðlaus.“

Sigurjón Mýrdal Hjartarson: ,,Margur verður af aurum api það verður að segjast á vel við um okkur Valsmenn. Þið vitið hvað ég meina, innkaup bara til að kaupa.“

Kristinn Diego: ,,Enn og aftur þvílíkur markmaður… Anton í markið þó að hann sé að fara.“