Leikarinn geðþekki Guðjón Davíð Karlsson, eða Gói eins og hann er oftast kallaður, og ljósmóðirin Ingibjörg Ýr Óskarsdóttir eiga von á sínu þriðja barni saman. Fyrir eiga þau hjónin tvö börn, dreng og stúlku. Sumarið hefur leikið við fjölskylduna en þann 22. ágúst síðastliðinn fögnuðu þau Gói og Ingibjörg tíu ára brúðkaupsafmæli sínu. Gói birti hjartnæma færslu á Facebook í tilefni dagsins. „Get ekki beðið eftir næstu 10 árum og næstu 10 og næstu og næstu og næstu,“ skrifaði hann meðal annars.
