Rúnar Páll Sigmundsson, þjálfari Stjörnunnar, var bálreiður eftir leik í kvöld er liðið spilaði við Val.

Rúnar ræddi við Stöð 2 Sport í sjónvarpsviðtali eftir leik og var öskuillur út í dómarann Helga Mikael.

Helgi ákvað að dæma mark af Stjörnunni í leiknum er liðið komst í 3-1. Það vakti heldur betur athygli því markið fékk að standa í dágóðan tíma áður en það var tekið af.

,,Þú verður að spyrja dómarann að þessu. Hvernig væri að fá þá í viðtal til að gera upp þessa dóma? Þetta var alveg glórulaust að mínu viti,“ sagði Rúnar.

,,Það er best að segja sem minnst þar til maður sér þetta aftur en ég veit ekki á hvað hann dæmdi.“

,,Þessi leikur var bara mjög skrítinn frá A til Ö eins og oftast hjá Helga. Það er bara þannig, því miður. Ég er mjög heitur þannig það er best að segja sem minnst.“

,,Mér fannst frammistaðan verðskulda sigur. Við komumst í 3-1 yfir og svo er það dæmt af. Mér fannst rangstöðufnykur af þessu marki [Vals] og svo fá þeir víti.“

,,Ég veit ekki alveg hvað það var, það getur vel verið að þínir menn í sjónvarpinu segi eitthvað annað.