Aron Einar Gunnarsson spilaði sinn fyrsta deildarleik með liði Al Arabi í vikunni í Katar.

Aron tók skrefið til Katars í sumar en hann hafði fyrir það gert garðinn frægan með Cardiff City.

Aron ræddi við Thorsport.is eftir fyrsta deildarleikinn en Heimir Hallgrímsson og félagar höfðu betur gegn Al Ahli, 3-1.

„Það var mjög gott að byrja á sigri í fyrsta leik, eftir misjafnt gengi í æfingaleikjum fyrir tímabilið. Það er dálítill munur á fótboltanum hér og á Englandi, þar sem leikirnir eru miklu opnari en þetta venst vel,“ sagði Aron við thorsport.is.

,,Aðstæður eru líka töluvert öðru vísi en hann er vanur. Það er fyndið að spila í 22 gráðu hita á meðan það eru 38 gráður fyrir utan leikvanginn – loftræstikerfið er greinilega að virka vel!“