Harry Maguire er loks á leið til Manchester United samkvæmt frétum á Englandi.

Sagt er að Leicester hafi samþykkt 80 milljóna punda tilboð félagsins í Maguire í gær.

Þar er með sögu sumarsins að ljúka en félögin hafa lengi átt í viðræðum, Maguire hefur viljað fara til United.

Ensk blöð segja að Maguire skrifi undir fimm ára samning með möguleika á auka ári, þá ku hann þéna 190 þúsund pund á viku. Það er langt frá launahæstu leikmönnum deildarinnar.

Hann verður þar með dýrasti varnarmaður í sögu fótboltans, Liverpool borgaði 75 milljónir punda fyrir Virgil Van Dijk, fyrir einu og hálfu ári.

Líklegt er að Maguire klári félagaskipti sín um helgina ef marka má frétt Telegraph.