Það hefur líklegast ekki farið framhjá lesendum matarvefsins að við erum mjög hrifin af uppskriftavefnum Delish. Þessa uppskrift að humarlokum er að finna þar, en þessi réttur er gjörsamlega ómótstæðilegur.
Hráefni:
340 g humarhalar, hreinsaðir, soðnir og skornir í bita
55 g smjör
4 pylsubrauð
2 msk. ferskur graslaukur, saxaður
salt og pipar
sítrónubátar, til að bera fram með
Aðferð:
Bræðið 2 matskeiðar af smjöri og penslið allar hliðar pylsubrauðanna. Hitið pönnu yfir meðalhita og setjið brauðin á hana með opnu hliðinni niður. Steikið í 1 til 2 mínútur. Takið brauðin af pönnunni og setjið restina af smjörinu á hana. Lækkið hitann. Hitið humarinn í nokkrar mínútur á meðan þið hrærið vel í þannig að humarinn verði þakinn af smjöri. Saltið og piprið. Fyllið brauðin með humrinum og skreytið með graslauk. Berið fram með sítrónubátum.
