Herjólfur III, hin nýja glæsilega rafferja milli lands og Vestmannaeyja, sem kostaði um 4.3 milljarða króna, hefur ekki enn hafið siglingar, líkt og greint var frá í gær, en til stóð að Herjólfur hæfi siglingar í gærmorgun.

G.Pétur Matthíasson, upplýsingafulltrúi Vegagerðarinnar, sagði í samtali við Eyjuna í dag að Herjólfur þyrfti að fara í slipp á Akureyri í september, en galli kom upp í öðrum jafnvægisugganum með þeim afleiðingum að sjór kemst inn í olíu. Mun Vegagerðin fara fram á að pólska skipasmíðastöðin sem smíðaði Herjólf, bæti tjónið. Eyjar.net greindu fyrst frá.

Herjólfur mun þrátt fyrir gallann hefja siglingar eftir helgi og segir G. Pétur að þjóðhátíðargestir geti því andað rólega, en Þjóðhátíð í Vestmannaeyjum fer fram fyrstu helgina í ágúst, venju samkvæmt.

Sjá einnig: Hrakningasaga Herjólfs heldur áfram – Siglir ekki í dag eins og til stóð