Dansíþróttasamband Íslands hélt nýlega Íslandsmeistara- og bikarmeistaramót. Mótið fór fram í íþróttahúsinu á Álftanesi og var vel sótt af keppendum og áhorfendum.
Um var að ræða Íslandsmeistaramót í standard-dönsum, bikarmeistaramót í latin-dönsum, Íslandsmeistaramót í hæsta stigi grunnspora og almennt grunnsporamót. Sum pörin röðuðu inn fleiri en einum titli og er óhætt að segja að litríkur dans hafi dunað á Álftanesinu.
Tvöfaldir meistarar María Tinna Hauksdóttir og Gylfi Már Hrafnsson eru einstaklega efnileg og þykja líklegust til að standa Hönnu Rún og Nikita snúning. Íslandsmeistarar í Unglingar ll – 5 standard-dansar og bikarmeistarar í Unglingar ll – 5 latin-dansar.
Einbeitt Lilja Rún Gísladóttir og Kristján Þór Sigurðsson.
Rjúkandi rauð Hildur Björk Jóhannsdóttir og Axel Kvaran.
Suðræn og seiðandi Polina Oddr og Pétur Fannar Gunnarsson.
Vaggandi vals Sóley Ósk Hilmarsdóttir og Daníel Sverrir Guðbjörnsson.
Tvöfaldir Íslandsmeistarar Sandra Diljá Kristinsdóttir og Gabríel Leó Ívarsson, Íslandsmeistarar í Unglingar ll – 4 latin-dansar og standard-dansar.
Suðræn senjóríta Maria Baikova og Sigurður Már Atlason.
Bikarmeistarar Sara Rós Jakobsdóttir og Nicolo Barbisi, bikarmeistarar í Fullorðnir 5 – latin-dansar.
Maren Jónasardóttir og Fannar Örvarsson.
Ung og efnileg Kristín Jana Guðbjörnsdóttir og Atli Þór Gíslason.
Tveir titlar Birgitta Dröfn Björnsdóttir og Elvar Kristinn Gapunay, bikarmeistarar Ungmenni –5 latin-dansar og Íslandsmeistarar Ungmenni – 5 standard-dansar.
Leikandi latin Ásta Ragnheiður Hauksdóttir og Oliver Aron Guðmundsson.
Flott og fjólublá Anna Trenzeleva og Axel Freyr Gunnarsson, Íslandsmeistarar Fullorðnir 5 – standard-dansar.
Flott danspar María Tinna og Gylfi Már, sem er einnig efnilegur knattspyrnumaður og leikur með Fram.
Stórglæsileg Hanna Rún er alltaf stórglæsileg.
