Íslandsmeistarar Vals spila við lið Maribor þessa stundina en liðin eigast við í Meistaradeild Evrópu.
Liðin spila í forkeppni Meistaradeildarinnar en fyrri leikurinn fer fram á Hlíðarenda í kvöld.
Þegar þetta er skrifað eru 12 mínútur búnar af leiknum og er staðan ennþá markalaus.
Ólafur Jóhannesson er þjálfari Vals en hann mætti í fínu fötunum á leikinn mikilvæga í kvöld.
Óli Jó er ekki þekktur fyrir það að mæta til leiks í jakkafötum en ákvað að breyta til fyrir Evrópuverkefnið.
Hafliði Breiðfjörð, framkvæmdarstjóri Fótbolta.net, birti mynd af Óla í kvöld þar sem má sjá hann í þessum fínu jakkafötum.
,,Óvæntustu tíðindi aldarinnar í íslenska boltanum,“ skrifar Henry Birgir, blaðamaður við færslu Hafliða.
Sjón er sögu ríkari!
Goðsögnin Óli Jó óvænt mættur í keppnina um best klædda þjálfara Íslands. #fotboltinet pic.twitter.com/mAvghJZDlb
— Hafliði Breiðfjörð (@haflidib) 10 July 2019
