Ole Gunnar Solskjær, stjóri Manchester United, hefur fengið ráð frá fyrrum leikmanni félagsins.

Leikmaðurinn er heldur umdeildur en um er að ræða Kleberson sem gat lítið sem ekkert á Old Trafford.

Kleberson er fertugur í dag en hann lék með United frá 2003 til 2005 og spilaði 20 leiki í deild. Hann stóðst aldrei væntingar eftir að hafa verið keyptur á risaupphæð á þeim tíma.

,,Þessa dagana þá eru allir að tala meira um fótbolta og um liðin,“ sagði Kleberson við YBC.

,,Það er erfitt að spá fyrir um það hversu langan tíma Ole þarf til að koma hlutunum í lag.“

,,Þegar hann kom fyrst inn þá fengu margir sjálfstraust og allt gekk eins og í sögu. Undir lokin byrjuðu hlutirnir hins vegar að fara úrskeiðis og það þarf að gera mikið.“

,,Fótboltinn hefur breyst mikið. Þú ert með fleiri njósnara, fleira starfsfólk og tölfræðin í kringum leikmennina er mun meiri.“

,,Þetta snýst allt um hvernig Ole hefur undirbúið sjálfan sig, ef hann er fullur sjálfstrausts þá getur hann byrjað vel. Þetta snýst allt um hvernig hann fer inn í tímabilið.“