Mevlüt Çavuşoğlu, utanríkisráðherra Tyrklands, er ósáttur með þá meðferð sem landsliðið í fótbolta, fékk í Leifsstöð í gær. Tyrkir komu til landsins í gær fyrir landsleik við Ísland, í undankeppni EM, sem fram fer á morgun.
Þeir þurftu að bíða lengi á flugvellinum, liðið flaug frá Konya og þurfti að fara vel yfir öll vegabréf og slíkt. Mbl segir að flugvölurinn í Konya sé ekki vottaður, því hafi þurft meira eftirlit en hefði liðið komið frá Istanbul. Þá eru Tyrkir reiðir eftir að þvottabursti birtist í Leifsstöð. Emre Belözoglu, reyndur leikmaður Tyrklands var að svara fréttamönnum, þegar „íslenskur“ maður mætti með þvottabursta og fór að spyrja Emre.
Reiðin í Tyrkjum hélt áfram á Laugardalsvelli í dag, fréttamenn þar voru afar ósáttir með fyrirkomulag á fréttamannafundi.
Ómar Smárason, fjölmiðlafulltrúi KSÍ færði orð Arons Einars Gunnarssonar, yfir á ensku. Tyrkir voru afar ósáttir með það og létu vel í sér heyra.
,,Er þetta af því að þetta er Tyrkland?,“ öskraði einn fréttamaðurinn en Ómar Smárason, útskýrði fyrir þeim að þetta væri venjuleg vinnubrögð hérna, ekki væri venjan að vera með túlk frá þeirri þjóð sem væri að heimsækja Ísland.
